त्या तिथे दूर दूर.........

त्या तिथे दूर दूर पसरून निळाई साऱ्या सागरात.... 

वाटते सारे आकाश ओतलेले

 आणि एक चंद्र ह्रदयात .....

त्या तिथे दूर दूर हिरव्या डोंगरांच्या रांगात ....
वाहतो तो आपल्याच नादात शुभ्र झरा .......

ओळखीचे गाणे गात....

त्या तिथे दूर दूर जराश्या झुकलेल्या अंबरात.... 

दररोजच चित्र रेखाटतो रवी ....

अस्ताला जाताना संधीप्रकाशात....

त्या तिथे दूर दूर मोरपंखी स्वप्ने भासतात....
मी उगाच अनामिक चेहरा शोधतो ...

पाण्यात पडलेल्या माझ्याच प्रतिबिंबात ....

त्या तिथे दूर दूर आहे कुणीतरी वाट पहात ....
ह्रदयातील आर्त हाकेचे सुर क्षितीजावर नेहमी उमटतात ...
वाहतो हा बेधुंद वारा तुझ्याच अस्तित्वाची साक्ष देत ....

!!!© समीर !!!