तू गेल्यावर.............

वकिलाने दिलेल्या त्या घटस्फोटाच्या कागदावर आपल्या दोघांच्या शेवटच्या सह्या झाल्या
ज्यांच्यात कविता लिहायचो त्या फक्त रद्दीच्या वह्या झाल्या...

तु गेल्यावर अंगणातील तुळस केव्हाच सुकुन गेली ,
मोगरा कोमेजून गेला आणि सदाफुलीने फुलाय़ची आशाच सोडून दिली...

तू गेल्यावर अंगणातील चिमण्यासही दाणे वेचण्यास रस नाही ,
आकाशातील विहंगाला तू ठेवलेल्या वाटीतील पाणी पिण्याची आस नाही ...

तू गेल्यावर मोकळ घरं अगदी खायला उठलं ,
तुज्या पैंजणाची मधुर धून  नि बांगड्यांची खण खण
अजूनही ते गीत  माझ्या कानात साचलं ...

तू गेल्यावर दुःख आणि दुःखानीच भरून गेलो ,
आनंद सारे हरवून बसलो
विरहाचे नभ होऊन
अश्रुंमधून  कोसळत गेलो ..

तू गेल्यावर आयुष्याचे उरलेले दिवस मी  मोजत बसलो ..
तू असताना लाभलेल्या क्षणांचे सोनेरीपण मग मी जपत राहिलो ...


!!! समीर !!! 

शाळेचा पहिला दिवस ....

         आज किती खुश मी शाळेचा पहिला दिवस
         नविन दप्तर, नविन कपडे , नविन वर्ग

         सार नविन अगदी मनासारखं मला भेटलेल...

              चाललोय मी आज शाळेत आनंदाने
                  सोबत मित्रही
                     रस्त्यामधे अचानक भेटतात मला ती तीन मुलं
                        हातात पिशव्या घेऊन भेटतील तिथल भंगार , डबडी गोळा करणारी

                      मग पहात राहतो मी त्यांना
                      त्यांची मळकी , फाटकी कपडे , अनवाणी पाय
                      ते पहात राहतात आमच्याकडे केविलवाण्या नजरेने
                      विचार येत राहतो एक सारखा का त्यांना उकीरड्याच जीणं
                      का नाही त्यांच्या चेहऱ्यावर आमच्या सारखा शाळेत जाण्याचा आनंद

                               शाळेत पोहचतो मी
                                घंटा वाजते ,शाळा भरते
                                   प्रार्थना सुरू होते "खरा तो एकची धर्म जगाला प्रेम अर्पावे"
                                      इतक्या दिवस नुसतं म्हणलेल्या प्रार्थनेचा थोडासा अर्थ मला समजू लागतो

                         तास सुरू होतो
                         गुरुजी सुट्टी कशी गेली ,सुट्टीतली मजा सर्वांना विचारतात
                         खेळ , अभ्यासामधे वेळ निघुन जातो

                                  शेवटच्या तासात गुरुजी विचारतात तुम्ही मोठेपणी काय बनणार
                                  मुल सांगू लागतात डॉक्टर , इंजिनिअर, वकिल, शिक्षक आणि बरेच काही

                                  माझा नंबर येतो मी उठतो
                                  सकाळी दिसलेली ती तीन मुल मला आठवतात
                                  मी बोलतो
                                   मला अस बनायचय कि ज्या मुळे देशातील सगळ्या मुलांना शिक्षण घेता येईल
                                   कुणालाही भूकेसाठी भिक माघावी लागणारं नाही कि कुणाला भंगार गोळा कराव लागणार नाही .
                                   गुरुजी शाबासकी देतात .

                                                शाळा सुटते
                                                   मी घरी येतो
                                                      हात पाय धुतो
                                                         शुभं करोती म्हणतो
                                                             आणि लागतो अगदी मनापासून अभ्यासाला
                                                                   माझं नविन ध्येय गाठायला........

                                                                       .........! समीर ...........!

त्या तिथे दूर दूर.........

त्या तिथे दूर दूर पसरून निळाई साऱ्या सागरात.... 

वाटते सारे आकाश ओतलेले

 आणि एक चंद्र ह्रदयात .....

त्या तिथे दूर दूर हिरव्या डोंगरांच्या रांगात ....
वाहतो तो आपल्याच नादात शुभ्र झरा .......

ओळखीचे गाणे गात....

त्या तिथे दूर दूर जराश्या झुकलेल्या अंबरात.... 

दररोजच चित्र रेखाटतो रवी ....

अस्ताला जाताना संधीप्रकाशात....

त्या तिथे दूर दूर मोरपंखी स्वप्ने भासतात....
मी उगाच अनामिक चेहरा शोधतो ...

पाण्यात पडलेल्या माझ्याच प्रतिबिंबात ....

त्या तिथे दूर दूर आहे कुणीतरी वाट पहात ....
ह्रदयातील आर्त हाकेचे सुर क्षितीजावर नेहमी उमटतात ...
वाहतो हा बेधुंद वारा तुझ्याच अस्तित्वाची साक्ष देत ....

!!!© समीर !!!